KHUANU TUAHLOH HMELTHA

-Vohbika

I hlimthla ka thlirin dâwn lungruk a hlim thin

I sakhmel chhawn chângin kawl ang ka hnim

Khuanu tuahloh hmeltha,nang ngei hi

Eng vang kher nge ka lo tawn che?

Ka dem law'ng che Lêngdang i pawm pawn

Tu'n an thlang law'ng Rianghleitea

Hmangaih luat vâng che hianin

Hlimlai ni hriau ang a tawi leh thin

Lamkawi ah sûl ang min pelh ve châng te hian

Dâwn lungruk a kim ngei e

Ralkhat a'n i sakhmelmawi ka thlir hian

"Laitual mâwitu tleitiri" ka hmuh hmaih thin

Chhimhlei tual a'n nang ka lo tawn che hi

Khuanu remruat anih ngai chuanin maw

Eng a'n nangnen lên dun a rem loh bawihtê?

Rianghleitea tah nan turni a her leh thin.

CB PRODUCTION